■黃心穎香港文匯報訊（記者 李慶全）黃心穎昨日以起步嘉賓身份出席跑步活動，她曾於外國參加過十公里馬拉松賽事，但都是很辛苦才能完成，反之她年輕時是籃球隊員又有踢足球，只是媽咪不想她玩男仔的運動，才轉去學跳舞。
無綫藝員買少見少，但最近宣萱跟林文龍雙雙回巢拍劇，心穎表示從小經常看兩位前輩演出的劇集，聽到這消息很高興，然而也就不敢向公司自薦合作，她指之前已有機會跟歐陽震華、吳啟華及羅嘉良合作，感覺獲益良多已很滿足。
另外，黃子恆介入裕美與丈夫之間，昨日黃在Instagram拍片回應事件，片中他說：「我係大半年前喺公司認識裕美，認識佢之後，從佢口中得知佢同佢老公分開咗，喺朋友嗰度住，當中嘅原因係因為牽涉一啲家暴問題，但當時佢唔敢同其他人傾訴，我再慢慢了解佢嘅情況，了解到佢處境之後，我好想保護佢，支持佢。」
他又自言甘願一人承擔責任，「而事情發生到呢步，我知道已經影響咗公司，影響到其他人。若然公司就呢件事對我任何處分，我甘願承擔，一人做事一人當，而外界對我嘅任何批評，我都甘願接受。喺整件事入面，我確實有錯失嘅地方，就係冇清楚了解，佢同佢先生嘅關係清楚咗未。」最後他讚裕美是個很善良的女仔，不希望他日再見她時，再像之前活在陰霾之下，而是開心愉快，安穩生活。
心穎曾於劇集演過子恆妹妹，她表示都有看到新聞，惟沒聽過對方談感情事，自己也不認識裕美，故會選擇相信子恆方面。