今晚谷草編跑八場賽事，草地以C跑道向後移欄作賽，頭場晚上七時十五分開跑，全晚並無設立任何錦標。馬房方面，蔡約翰、沈集成及方嘉柏皆派出多匹實力馬參戰，值得優先留意。騎師方面，雷神有多隻惡馬在手當要吼實，另外半冷門可吼田泰安及蔣嘉琦之坐騎。
第一場、第四班、一二○○米。「勁飛聖」初出直路賽表現已令人驚喜，以冷門身份威脅「炸魚薯條」，且壓倒「快寶駒」跑第二，可見這匹Pins子嗣競賽天份甚高，而且該役水準極高。至於打後四仗表現卻強差人意，直到上回渡江轉爭谷草千二，配滇仔操刀排八檔起步搶放，最後僅負「越跑越好」而壓倒「駿瑪」，既然後駒再出幾乎再贏，足可反映今次練者再入紙角逐此程，時刻要盯實動向。
第二場、第四班、一○○○米。「育馬妙星」三歲仔季內七戰，前仗出戰谷草三班一千已初見追勢，後追只負「鑽石巨匠」兩個半身位得第五；上仗降落四班轉爭田草一千直路賽，搵嘉琦妹減磅排一檔劣位，然而拉士仍可追上再跑第五，證明馬匹本身正不斷進步中，經過兩場汲取經驗，今次回師窄場有力衝擊頭馬。
第三場、第三班、一○○○米。「魔連奴」蔡廄三歲當打之輩，季內跑過十二戰取得兩冠兩亞一殿，再看對上三仗出爭田草千二，在莫雷拉胯下熱門搏殺跑獲一亞一殿一第五，當中前仗與「風火勁駒」纏鬥僅敗表現最好，而今初次渡江轉爭谷草一千，翻查同系馬多擅跑窄場，力足一逞。
第四場、第五班、一二○○米。「欖球鑽石」上仗之前來港十六戰從未入過Ｑ，然而上仗初戴眼罩縮爭谷草千二米，五檔起步快閘一早切入單騎領放，最後入彎越走越順，最終大勝逾兩馬位開齋，五歲仔已告開竅，今次加七分仍可再戰五班，只要交回上賽作賽水準，再下一城冇難度。
第五場、第四班、一六五○米。「珍珠旺」季中能在此程以全場最快末段輕取實力指標「怡德」；大前仗竟可在三班黏地千四米跑近；回氣後上賽重返四班跑谷草一哩最佳路程，用嘉琦妹減磅亦可發揮出水準，轉彎踩油兜出外疊打衝鋒，最後影相僅負得季時也命也，拚後復課火氣仍旺，今次再戰強項，如場地正常可補中。
第六場、第三班､二二○○米。「將才」季內九戰，跑至四月中角逐田草千八初次上名，嗰場紹仔唔多醒目出閘笨拙，最後拉士蝕位追回一席第三，而前仗配雷神跑田草千八，力拚負於廄侶「福勵」賽績最為接近；上仗列陣二班賽遇強手下亦後追所負不遠，今次回師三班增程跑二千二長途更合腳法，出頭厚望。
第七場､第三班、一二○○米。「罕曾見」轉投方嘉柏馬房後五度上陣，上周三未贏馬之前已兩度跑獲亞軍，練者已經摸熟馬性，故此上周三夜賽練者棄爭一哩而選擇縮程千二，結果喺潘頓出色留放下，拉士一步衝贏「駿瑪」打開勝門，今次匆匆入紙再戰三班千二，睇馬房部署不會無的放矢，加上潘頓造磅策騎戰意高，可添食。
第八場、第三班、一六五○米。「索咖啡」今季轉投方廄跑過六仗，直到前仗首次被派往谷草出戰一哩，結果在莫雷拉胯下大勝對手逾五個幾馬位而回，已找到最佳出路；上次加被十二分升班原庄配搭再跑贏馬路程，呢場雷神賽前操過「歡樂小子」都唔揀，可見他對「索咖啡」重視有加，可惜排十檔起步慢閘，拉士靠追跑回一席Q腳，拚後馬房以踱步備戰狀態仍勇，今仗乘勇再戰必全力爭功。