數吓手指，「神駒」系在港養馬已接近三十年，由昔日澳洲練馬師白理維年代至今，投資在賽馬的金錢總數肯定以億計，但今季目前為止全線未贏算是異數，雖然掌舵人余潤興團體馬「南華勇將」季內已錄得三場頭馬紀錄，但名下養馬甚多當然想威番一次，唔想在抖暑前仍然食白果而回，今次余潤興家族名下的「凱明神駒」及「康樂神駒」雙雙出戰谷草二千二百米，相信必有王者興，甚至包辦連贏位而回。睇「凱明神駒」腳法及血統，肯定本身性能長優於短，前仗在谷草二千二百米跑第二名後再出表現失準，純粹限於路程問題，性能必需要跑二千米或以上路程才能夠發揮出真正的威力，今戰重返同程又要持不同計法，鞍上人史卓豐揀騎而放棄上次入Ｑ之同路人馬「康樂神駒」，估計鬥志一環的顧慮較少，季尾谷中長途最後一次賽程必拚不會保留，排有利的三檔起步，屆時值得優先考慮。