■陳柏宇香港文匯報訊（記者 梁靜儀）陳柏宇（Jason）昨日到電台接受訪問，當記者遞上由舊愛裕美做封面的雜誌給他看時，他即搞笑說：「那時裕美都係包臉，應該減肥未成功。」問到他是否仍好關心裕美？他說：「我實關心，又八卦，但唔會喺屋企search佢啲新聞嚟睇，都係喺便利店見到之後就send message問佢。」他謂問過裕美件事，但都是聽她一方面的說話，不過他都會信她，也沒有安慰對方，因電話中裕美給他的感覺是堅強的。
說到他如此關心裕美，會令對方的新男朋友黃子恆呷醋？Jason說不怕：「我理得佢男朋友開唔開心，其實之前我有約過裕美食飯，我都會同女朋友講，不過最後夾唔到時間。」
問到裕美心情如何？他坦言之前問過裕美一次後就再沒找對方，雖則他真的很八卦想知，都有向她身邊的朋友八卦，但對方現要對外處理家事，無謂令她更加難受。日前裕美透露單方面離婚，問他裕美可有諮詢其意見？Jason說：「 當然無啦，其實呢幾年好少聯絡，（是否佢老公唔鍾意你哋聯絡？）如果係，佢老公都幾唔大方。」
說到裕美沒有承認與黃子恆的新戀情，但就被偷拍到她在男方家中洗Bra，笑問裕美以前可有在他屋企洗Bra？Jason說：「梗係唔會啦，哦......原來去到呢個地步，光明正大啲咪好囉。」
