■黃德斌(右)坦言現在不會再做危險動作。香港文匯報訊（記者 梁靜儀）黃德斌、張曦雯（Kelly）、鄧佩儀及王卓淇等，昨日到將軍澳出席明珠台美劇《Heroes再現》宣傳活動，眾人以劇中角色造型亮相，並分組玩扯大纜遊戲，當中以Kelly最落力，穿上緊身短裙腳踏高跟鞋的她更幾乎走光。
本身有電單車牌的黃德斌，之前在劇集《鐵馬戰車》中飾演交通警，大部分電單車都親身上陣，談到昨日楊明拍劇駕電單車時發生意外，膝頭傷口深至見骨，他也戥對方感到痛：「咁唔小心，電單車膝頭位好易磨薑，都戥佢痛，勸佢唔好咁搏，拍劇時間長要精神，好易有意外。」說到楊明受傷後一度繼續拍攝？黃德斌指自己當年拍《女拳》，打到斷無名指筋，去完醫院返去再拍。
問到覺得公司的保障是否足夠？他說：「都夠，太難會有特技人做，始終意外係始料之外，比起以前已好好，廿幾年前想搏殺，拍爆炸戲要由三樓跳落嚟，人哋以為我係替身，嗰個年代個個都係咁做，見到人哋做都想試。」他慶幸拍戲多年都只是小傷，但現在叫他做再危險動作也不會做。
麥美恩向梁嘉琪道歉
擔任活動司儀的麥美恩（Mayanne）對於有份主持的節目《學是學非》拍檔梁嘉琪與張秀文傳不和，問到她幫哪個拍檔？Mayanne就自責說：「要向嘉琪道歉，話題本來已經完，因為我無啦啦彈咗句話『佢哋割席』，令話題越來越豐富，（佢兩個有無面左左？）無，我哋平時都係互窒！（玩出真火？）幾有娛樂性呀！（你做和事佬？）佢哋話我係花生友，只會喺側邊睇。」
問到是否女仔多是非多？Mayanne指她們六個都好有性格及喜好都不同，但大家都磨合到，亦知道大家的缺點。問到哪個缺點最多？Mayanne即搶認：「我最多，我情緒唔好，有時會嚇親佢哋，都係佢哋包容我。」有指不和導火線是嘉琪嫌湯洛雯轉數慢？Mayanne說：「阿湯唔蠢，佢叫聰明湯，（反話？）大家自己諗！其實我先係最蠢那個啦！」她又笑指跟其他五個拍檔都不熟絡，是「孤獨精」。
