南非籍練馬師苗禮德，近年不斷從祖家引入馬匹，更加成日賣花讚花香，猛話祖家嘅馬平靚正，事實上又真係抵佢咁牙擦嘅，現時睇番佢廄內有六匹南非馬，佔全港南非馬總數三分二，牠們成績十分理想，例如「好愉快」、「馬上發財」、「酣睡密碼」、「旅遊多寶」及「睡德福」，只得「金在手」一駒未贏，幾乎全部已取得頭馬而回。除祖籍新西蘭的蘇保羅外，苗禮德是最積極參與新西蘭周歲馬拍賣會的外籍練馬師，每年一月舉行的卡拉卡周歲馬拍賣會，都見他滿場飛，不停地檢閱各個牧場的周歲馬，揀選心水馬匹準備競投。不過，他的作風甚為低調，從來都不會以自己名義競投，而拍賣成交記錄的買家資料，只會出現代理名字，外人難以清楚地知道他的購買清單。
翻查苗廄「由心出發」、「珍珠有利」及「珍珠旺」等都是由馬主自行購入，而「人強馬勁」、「金錢路」及「好事必得」則是周歲時由苗禮德在外地拍賣會投得的新西蘭PPG。這些老苗揀手貨，來港前都未曾試閘，在彼邦只做了基礎訓練，所以成熟程度較為遜色，來港後通常要到第二季，甚至第三季才打開勝門，但普遍能夠贏開就贏，最經典的例子是「好事必得」，在港第十九戰才能開齋，其後再贏多一場頭馬。