日前馬會公布來季小將巫顯東將獲批見習騎師牌照，並將派往華籍練馬師沈集成（圖）馬房學藝。眼見今季女見習生蔣嘉琦氣勢如虹，告東尼獎似乎已經係佢的囊中物，而另一見習生黃皓楠又有不俗的頭馬數字，估計巫顯東這位十磅仔下季到來上陣，勢必成為各馬房爭取頭馬的搶手貨之一，絕對不愁寂寞。
對於能夠成為巫顯東的師父，據知練馬師沈集成已向馬會申請見習騎師好多年，今年終於守得雲開成功獲批，沈集成表示不但會全力支持，更呼籲其他練馬師可以隨時向他借人上陣，事實上，能夠得到一位見習騎師，除了可以在陣上有磅減之外，他還能幫手操馬、試閘等馬房事務，老實說對馬房的幫助功勞很大，由於沈集成本身都係紅褲子出身，由基層一步一步慢慢做起，如今能夠得到這個機會指導巫顯東，馬房上下手足亦會對新牌仔全力支持，希望能夠令他盡早騎出信心，並能於策騎生涯的初段便走上正確的道路，據知沈集成亦歡迎其他練馬師來季向他借人，因為沈集成也想巫顯東能有更多的策騎機會，兼趁住現時唔係太多競爭之下，盡早爭取成績及經驗。如今巫顯東人未到已經得到師父沈集成開腔力撐，相信巫顯東來季真係要加多幾錢肉緊，回應番成哥對佢嘅支持至得喇！