■《海底奇兵》劇照香港文匯報訊 迪士尼．彼思最受歡迎的經典之一《海底奇兵》本月14日返嚟啦！今次仲係由彼思動畫史上全球呃LIKE指數最高的失魂魚多莉擔正做主角！當然馬倫和Mo仔兩父子都會再度登場，陪同老友多莉一齊展開尋親大冒險，追尋失魂魚的神秘過去，揭開身世之謎！
《海底奇兵 2》由首集導演安德魯史達頓 (Andrew Stanton) 再度執導，今集全新歷險場地將會移師至加州海岸，仲有更多搞鬼好玩的新角色加盟，包括脾氣古怪終日想走佬的八爪魚、以為自己聲納系統失靈的神經質白鯨、同多莉一見如故好啱傾的大近視鯨鯊等。一眾新舊海底奇兵肯定會為觀眾帶來更多歡樂笑聲！
香港配音版亦請到首集的毛舜筠和劉青雲再度擔任多莉和馬倫的「代言人」，而新角色還有吳業坤和阮小儀開聲助陣，分別聲演白鯨比利和鯨鯊沙沙妹，一眾搞笑高手合力炮製更多地道笑料，讓本地觀眾睇得更加開心投入！
對比2003年首集，今時今日的動畫特技超越了十萬八千里，今集以最新最頂尖技術打造的深海世界，肯定比首集更逼真、更繽紛、更多壯觀精彩大場面，讓觀眾完全置身其中，再度展開一次愈玩愈多驚喜無限的刺激深海大冒險！
印花
電影公司現送出《海底奇兵》優先場飛20張予《文匯報》讀者，有興趣的朋友請剪下文匯報印花，連同貼上$1.7郵票兼註明「娛樂版《海底奇兵》優先場」的回郵信封，寄往香港仔田灣海旁道7號興偉中心3樓─《文匯報》，數量有限，先到先得，送完即止。
■日期：7月9日(星期六)
■時間：11:45AM
■地點：Grand Ocean