■容祖兒香港文匯報訊（記者 梁靜儀）容祖兒昨日出席港鐵《開心搭．生日》活動，即場抽出八月幸運兒，抽獎前她透露希望抽到3號，但最後卻抽到26號，祖兒即裝出唔開心的樣子說： 「因為8月3日係媽咪生日。」活動上祖兒又談到以往搭港鐵的趣事。
祖兒坦言入行後已甚少搭港鐵，但每當遇上塞車都有衝動想一個轉身走落港鐵站，不過想到繁忙時間很多人很迫就會打消念頭。問到是否怕被人捕獲？她否認說： 「暫時未見識到有咩好驚，如果有機會搭港鐵，唔會用太陽眼鏡、口罩及帽『三寶』，只要素顏就無人認得。」她又謂以前搭港鐵多過食飯，又試過與初戀男友搭港鐵，問到可有啜啜？祖兒笑說：「無，啜啜已經係出來工作，但試過壁咚，當時好驚，於公眾地方好擔心，自己又怕醜。」她笑謂初戀男友是同學，至今仍間中有聯絡，不過就沒有再提這件事。
近日劉浩龍在電影《幼兒怨》中被穿性感內衣的36D女演員伍慧珊挑逗，問到可擔心男友把持不住？祖兒笑說： 「咩都睇吓啦。（事前可有同你講？）無須要拿批文，加上又係同行，我都成日睇帥哥。（女方情挑師兄？）佢死梗，佢永遠都係演警察，無情(慾)戲，一拍就36D，恭喜，要用幾塊碌柚葉洗眼。」問到會否監場？祖兒一派淡定說：「不用監場，世界好大，希望佢見識多些。(唔好奇女方的身材？）咩body我未見過？都幾十歲人。」當再問到祖兒真的不怕男友把持不住時，她大爆男友有其他癖好： 「唔驚，你又點知我唔掂？我有手瓜、耳珠、眉毛同鼻哥窿，佢好呢味。」
笑問她事前會否和男友排戲？祖兒搞笑說：「試就當真呀？到時同真實咁大分別都無乜用，貨不對辦，祝佢拍攝順利，一take即過，佢紅都面晒，佢自己尷尬唔關我事，辛苦錢。」