![■林夏薇與祥仔出席有份配音的動畫電影宣傳。](http://image.wenweipo.com/2016/08/15/a33b.jpg)
香港文匯報訊(記者 梁靜儀)林夏薇(薇薇)與黎耀祥(祥仔)昨日到九龍塘出席有份配音的動畫電影《西遊記之大聖歸來》優先場,以七位數字購得該動畫香港及澳門版權的薇薇,祥仔就笑指她投資七位數字抵過買樓。首次為動畫配音的薇薇說:「我第一次配音,聽完祥哥(黎耀祥)配,即刻好驚,返屋企不斷睇熟個動畫,已經睇過部戲十次,希望盡快投入角色。」問到返屋企會否都以卡通聲嗲老公?她笑言不會,自己分得開,而且她配的是和尚仔。至於會否繼續投資電影?她說:「要睇情況,今次投資了七位數字,覺得今次件事好有意義,希望大家支持全球華人製作黻妗e。」
談到她日前在社交網貼上三點式泳照,獲網民大讚身材好,薇薇笑說:「輯相係老公影,都係家庭相無特別。(搵老公操刀再影輯性感相?)呢個已經係我極限,不過佢影相真係好專業。」現場薇薇跟一眾小朋友觀眾玩遊戲甚受歡迎,問到她何時生B?她笑稱唔抗拒生B:「都係鶗y唔抗拒生小朋友,但要有時間先得。」
祥仔聲演孫悟空用大能量
曾在劇集中演過豬八戒的祥仔,今次就聲演孫悟空,他笑說:「做孫悟空同豬八戒的分別係,做豬八戒比較得意、Hea些,孫悟空就比較積極些,能量大些。」祥仔又指有份參與過兩套《西遊記》電視劇、客串過一套電影及今次有份配音。說到林夏薇指聽到他配音就好緊張?祥仔指薇薇的聲音很適合角色,都配得好好。問到薇薇平時會否以卡通聲爹老公?祥仔就笑說:「佢唔使扮聲都嗲到老公。」