香港文匯報訊（記者 梁靜儀）周柏豪昨日出席電影《原諒他77次》開鏡禮時透露，戲中講述他與拍拖多年的女友蔡卓妍已達談婚論嫁階段，後因為小事而分手，更與衛詩雅發生關係。
說到他現實中與拍拖多年的女友也到了談婚論嫁的階段？柏豪卻稱未有能力結婚：「現在我係一家之主，如果結婚就係『兩家之主』，起碼搵現在double的錢，自細就鍾意照顧人，覺得自己係救世主、超人，由細到大都有種使命感，好似好有型咁，等身邊人唔使煩。」他坦言希望婚後太太不用工作專心照顧家庭，像爸爸一樣。
柏豪又笑指戲中的角色性格唔夠細心、長唔大、唔負責任、幼稚、自私、任性，簡直是在演回自己。他承認自己幼稚：「個腦仲係十五六歲，性格係長唔大，好貪玩，咩都想試，唔理自己受唔受傷，場戲危險動作都想自己做，冒險性格。（但你對女友專一？）專一係成熟咩？但我行為幼稚。」問到他做過最幼稚的事？他謂最幼稚是整蠱別人又多嘴得罪人：「現在長大講之前會諗吓，以前口不擇言。（得罪圈中人？）唔知，可能人家記住了我都唔知，如果得罪了唔好見怪。」