香港文匯報訊 星韜娛樂公司老闆諸葛紫岐（Marie），經常穿梭世界各地為公司擴展業務，更要照顧旗下藝人。黎美言（Winkie）、黃倩婷、曾博君（Rex）、鄭富安及公司員工為報答老闆，特別於Marie生日前一天籌備了神秘生日派對，為Marie帶來無限驚喜！
昨日生日的Marie開心透露：「同事本來約我中午時分在餐廳開會，我去到餐廳時一個顧客都無，覺得奇怪。此時公司同事就捧住生日蛋糕出來，原來佢哋一早將場地包下，為我提早慶祝生日，當刻真係非常感動！」旗下藝人呂晶晶及莊端兒因為不在香港，所以未能出席這神秘生日派對，但兩位已預早跟壽星女送上生日祝福，更約好星韜家庭成員回港後再開派對為Marie 慶生。
老公成「生日禮物」
對於旗下藝人及公司同事這悉心安排，Marie相當感動，她表示：「往常生日都在外地度過，今年係我第一年在香港過生日，估唔到大家有這個窩心安排，真的感動到說不出話來！特別係見到佢哋為我預備的生日禮物，Winkie畫了一幅畫送畀我，構圖係我跟大家一齊在一條星韜船上，我在船頭帶領大家在海中乘風破浪前進，非常有意思！Rex亦特別為我花了兩日時間，親手整了一盒 Macaron（馬卡龍）給我，Macaron 上面更特別有我照片，仲有我心愛的麵包超人公仔，非常有心思！我跟Rex講笑『你整到咁靚，我點捨得食？』」
而最令Marie感到驚喜的「生日禮物」，是大家最後送上其老公薛嘉麟！Marie 笑說：「他們跟我說『驚喜一浪接一浪』，最後安排薛生進來，之後一齊唱生日歌切蛋糕。呢個生日派對令我十分難忘。開心係感到『星韜』真係好似一個大家庭，每個人都真心對待大家，互相關心、照顧，真係好似親人一樣。我見到大家咁團結，呢個先係我收到最開心的生日禮物！」