
楊天命師傅最近請來朱慧敏(Queenie)擔任節目《猴年點算》嘉賓,為她批算八字,預測姻緣運勢。楊天命師傅指Queenie桃花運旺盛:「佢2016至2017年桃花暢旺,就算佢想同對方分手,都不能徹底分開,對方在佢心中仍有一定地位。」師傅又指Queenie太男仔頭的性格對姻緣不利:「佢份人好硬朗,重義氣,會好積極工作達成目標,但往往就係呢種太強嘅性格嚇走好多追求者。其實佢嘅真命天子已出現!」
楊師傅又笑言Queenie的子女運不俗:「生BB會旺佢,仲可以將管老公嘅心思放在BB上,一定會成才。」Queenie自言很喜歡小朋友,希望可以生四個以上,更不排除是典型「怪獸家長」,「我會安排小朋友學好多嘢,親自同佢哋一齊上堂,大家一齊學,一齊增值。」