■為了演好角色，君馨表示剃光頭、增肥廿磅都可以。為騷靚裸背 拍攝前絕食
無綫熱播劇《城寨英雄》來到結局周，王君馨（Grace）飾演的脫衣舞領班花曼終於打贏吳家樂飾演的「馮春美」，並和劇中哥哥陳展鵬相認。原本以為happy ending，但原來終極大佬將至，城寨各人命運岌岌可危。雖然如此，王君馨演的花曼最終也和袁偉豪演的迎風走在一起。
王君馨在劇集《城寨英雄》的真正身份已揭盅，不少網友對她飾演的花曼讚不絕口，除了以貼身晚裝上陣大騷20.5吋小蠻腰，又耍八極拳極具霸氣，劇中的她鋒芒畢露。對劇中的大膽嘗試，Grace直言充滿挑戰性。「最難忘是拍攝最後一日戲，要打足12個鐘，朝早同吳家樂打完六個鐘，跟住同張國強又打六個鐘。演出初段大家都唔知我身份，只知我是風情萬種兼武功高強的神秘領班花曼，為父報仇空降城寨搞舞廳。周旋於主角袁偉豪、陳展鵬及三大奸角吳家樂、林偉、張國強之間。仲要着住三吋高踭鞋打八極，真係好辛苦。」
渴望做到睇得又打得
在劇中首次挑戰做「打女」，一向有做開運動嘅Grace，也要加以操練。對於網民對她的S形身段有女神feel，激讚Grace似足《復仇者聯盟》中飾演「黑寡婦」的施嘉莉祖安遜（Scarlett Johansson），Grace坦言多謝大家支持。「我的偶像是施嘉莉祖安遜和珍妮花羅倫絲，希望跟她們一樣，打得又睇得。監製Jazz就話我要除衫，因為我是脫衣舞領班。為了凸顯造型，拍攝時進行地獄式收身，腰圍減至20.5吋，比當年選美時更fit。每晚都要着緊身衫瞓，望踢走脂肪之餘，又練到肌肉，幸好效果令人非常滿意。雖然我有跳舞底子，但始終中國功夫就不同，節奏全靠對打雙方決定。為令出八極拳時隻手厚身些同有力，我在超市揀米時，買咗包米來劈。一劈落去就『啪』一聲，成間超市的人都望住我，諗起都覺得好好笑！」
受傷不敢向男友撒嬌
王君馨參加2007年度香港小姐競選獲亞軍、最上鏡小姐及國際親善小姐，2008年參加《舞動奇跡II》成為冠軍，明明是有實力之人，但加入TVB近十年，卻是發展平平，總是欠一些運。性格爽朗的「女漢子」Grace在今次拍劇中，打到傷痕纍纍，也不敢向遠在美國的男友撒嬌。
「我都幾鍾意打，本身右腳韌帶曾撕裂咗九成，今次拍劇成日卡住喺韌帶位，好彩冇整親，應該再整親就會斷。我試過唔記得退後，畀吳家樂轉身批中咗手臂，結果捽咗個多月跌打酒。不過我沒有告訴男友，唔想佢擔心。另外為拍一場裸背療傷戲，拍攝前唔敢食嘢，我拍完劇就因為胃抽筋入院兩日，醫生話係個胃發炎同埋有咽喉炎，可能係因為我成日要嗌要打。我直到入院先話畀男友知，佢那時好擔心，食咗一個月抗生素。如此搏盡，全因我熱愛演戲，喜歡揣摩每個角色，為了演好角色，要我剃光頭、增肥廿磅都可以。今年好幸運，早前除了拍劇，更嘗試演出舞台劇，」■採訪：植毅儀／攝影：吳文釗／Shoes：Loubouth／Dress：Karen Millen／Earrings： DearestGrace