■農夫睇好2號麥凱程、3號梁裕恆及9號丁子朗。香港文匯報訊（記者 梁靜儀）《2016香港先生選舉》舉行在即，昨日十位準香港先生出席記者會，並即場投票互選出「友誼先生」，結果7號楊灌澤被選為「友誼先生」。至於有份擔任司儀的農夫就一致睇好3號梁裕恆，因對方曾做消防員，服務人群，職業討好。
7號楊灌澤得獎後受訪，被問到是否覺得因自己欠決殺傷力才得獎？他否認道：「希望唔係啦，為咗學多啲中文，同每個兄弟都傾偈，大家好啱傾，（知道好多秘密？）個個都想努力做好個騷，分享吓練習才藝食，又會傾鍾意邊個女星。」問到他可怕因廣東話不靈光被決賽司儀鄭裕玲考起？他說：「唔怕，如果答唔到，盡量用英文表達。」
3號梁裕恆（Flow）對於被農夫睇好能成為三甲，他笑指二人有品味，又賣口乖讚陸永的女兒都好得意。參選以來新聞不絕的Flow，近日被踢爆曾為ViuTV拍攝節目，他澄清已向TVB申報：「係朋友搵我拍，個節目係今年4月尾拍，TVB都知，申報咗，（好想入行？）覺得好好玩，入唔入行都仲未知，ViuTV當時冇搵我簽約，亦都冇叫我宣傳。」提到節目中有介紹女仔給他認識，他表示沒有跟當中的女參賽者發展：「因為唔啱，好少追女仔，好麻煩，冇興趣，好難遇到自己鍾意。」不過他強調自己拍過拖，是正常人。
嘟姐被爆偏好洪永城類型
農夫將於本周六晚舉行的港男選舉夥拍鄭裕玲（嘟姐）擔任司儀，他們表示睇好2號麥凱程、3號梁裕恆及9號丁子朗，陸永和C君更一致睇好3號梁裕恆，因為對方做過消防員，職業討好，又服務人群，自己是男人都想被他救。問到他們可知道嘟姐的心水？他們笑說：「嘟姐講過洪永城靚仔，佢應該係對大眼雙眼皮麻麻，鍾意啲斯文。」
已有兩個可愛囡囡的陸永，近日趁住結婚五周年向太太重新求婚，C君就抵死說：「使乜啫，搞大咗唔好嫁呀？ 」陸永表示當年與太太結婚時，因太太懷孕，太倉促冇求婚，所以結婚周年紀念時再重新求婚，之後可以一次過慶祝。問到太太可有感動到喊？他笑指自己感動到喊。