■田蕊妮及阮兆祥氹得長者相當開心。香港文匯報訊（記者 梁靜儀）田蕊妮（阿田） 、李佳芯（Ali）及阮兆祥等，昨日到藍田出席無綫劇集《巨輪II》宣傳活動，與長者提早慶中秋。有份演出的蕭正楠（Edwin）近日因忙拍劇搞到「生蛇」，身為拍檔的阿田覺得Edwin要多休息，希望他盡早康復。
阿田又表示不怕會傳染，因為當年拍《讀心神探》時林保怡都生蛇，見到對方食藥，食藥應該無事。問到是否無綫「Chur」得太盡？她笑說：「在他現在呢個階段係應該『Chur』盡些。（儲老婆本？）係呀，要搏盡啲啦，有邊個TVB男演員冇試過『Chur』太盡㗎？呢個冇問題。」
穿上露臍裝露出小蠻腰的李佳芯清減不少。她說：「其實都食好多嘢，可能之前拍劇瞓得唔好，但自己食得瞓得暫時又無病痛，所以就無理。」趁着近日不用拍劇，Ali就去跑步及行山健身，並打算做健身及打boxing 鍛煉肌肉。除了《巨輪II》，Ali另一齣新劇《律政強人》即將播出，她指兩部劇的角色有唔同，希望觀眾不會睇厭她。談到近日有傳袁偉豪（Ben）與女友岑杏賢（Jennifer）打算結婚，Ali聞言就笑說：「好呀，其實我都等緊呢日，因我覺得他們好好，他們又半公開，有時見到Jennifer IG的相好靚，原來係阿Ben操刀，兩個好sweet，等緊他們親口同我講，請我去飲。」