■林欣彤香港文匯報訊（記者 梁靜儀）陳百祥(叻哥)、彭健新、許懷欣、許懷谷、林欣彤(Mag)、鄭俊弘及陳庭欣等，昨日到尖沙咀出席《善心滿載仁愛堂》記者會，而仁愛堂副主席陳慧玲亦有現身主持啟動儀式，但就透過公關表示不做訪問。
當晚有份演出的Mag表示除了開幕時會進行大合唱外，更會獻唱自己加盟王祖藍公司後的第一首新歌《懸崖花》，歌曲是想祝福曾經相愛過的男生，她說：「好多人都試過在一段關係裡面有些唔係好開心的事發生，分手後回憶起都係唔開心的事，希望出一首歌提醒大家可以祝福舊愛。(可有投放個人經歷入歌詞？) 我有同首歌填詞人講我其中一段感情，其中一個前任同我由細到大一齊，斷斷續續，佢係我生命中重要的人，但冇緣分行到最尾，聽聞佢有一位女朋友，想借首歌祝福佢，希望呢位同佢可以長長久久，在我們的回憶，佢記得的都係美好，感激佢出現過。」阿Mag表示舊愛是她的舊同學，至於新歌是否因過往的戀事不快居多？Mag否認說：「開心事都多，只係我的歌多數係『非情歌』，今次想出首正面情歌，(錄音時有冇錄到喊？) 又冇錄到喊，反而會心微笑。」
許懷欣與許懷谷兩兄弟昨日亦有出席記者會，快將為人父的懷谷，透露太太一索得男，預產期在十一月，中文名由爺爺許冠傑負責，自己就負責改英文名。問到會否請教哥哥湊仔經？他笑說：「有問哥哥貼士，(媽咪幫手湊B？）成家都會幫手。」已有一對孖仔的懷欣，表示孖仔就讀K2，為了讓兒子學多些中文，安排了他們讀中、英文學校，陪他們做功課時自己順道學中文。