第六場､第三班､一二○○米。「越感」已在此程累積兩冠一亞兩季，可見路有專長，翻看上季先在十二月初喺谷草此程取得首捷，戰至季中再戰同程又執一W，至於今季評七十五分初出強項谷草千二，排十檔韋達沿欄追回不少失地，得第六所負不遠，經一役實戰熱身後，今回沿用韋達執韁，慎防半冷殺個措手不及。
第七場､第三班､一二○○米。「卡加動力」七歲仔上季只得一亞幕後豈會收貨，以今季減至七十八分返回三班必有討價還價之力，而練者一早搵定羅理雅替牠操磨兼試細閘省馬，季內炒飯哥替沈廄多匹冷馬殺入三甲，此駒抽外檔必有錢分，半冷門值得斟酌。
第八場､第三班､一六五○米。「海利多」四歲仔上季喺孫廄無功，惟在窄場千八米一役數度昂首下仍跑得近，可見現時喺三班打滾必有一定優勢，今季轉投沈廄操練有板有眼，埋門由巫顯東一手打磨，現由柏寶壓陣兼加眼罩及綁脷動作多多，是場半冷之選。