■湯怡(右)視兩隻狗狗如親人一樣。湯怡向來喜愛小動物，與男朋友洪卓立共同養了兩隻貴婦狗。最近她接受有線節目《寵物ER》，分享養狗狗的趣事。
湯怡視兩隻狗狗如親人一樣，疼愛非常。她為了狗狗的健康，經常親手烹調寵物食物予牠們，「佢哋好嘴刁，所以唔可以煮得太豐富，驚佢哋食完大餐唔肯再食狗糧，盡量煮啲健康、有營養嘅食物畀佢哋。」其中一隻狗狗淇淇三年前誕下兩隻狗仔，湯怡指當時心情興奮，「好似做咗婆婆咁，當時搵有經驗嘅朋友接生，養咗狗BB三個月左右，就畀咗家姐同朋友，真係好唔捨得！」
自從和洪卓立養了狗狗後，湯怡認為二人如有了一對仔女，感情增進不少，「不過都會有爭拗嘅時候，例如我哋各有各忙，我會怪佢唔可以一齊放狗，無咗呢個情趣。」她形容自己是一個「深歸的媽媽」，工作完便立即回家陪伴寶貝狗仔，男友也曾因此呷醋，「我返屋企通常癡住狗仔多，反而唔係第一時間搵佢，所以佢有時都會玩呷醋，不過都係講下笑。」