■梁嘉琪反指男友才是「電燈膽」。香港文匯報訊（記者 植植）梁嘉琪、余思敏、何傲芝及王曉君昨日出席美容公司開張活動。嘉琪透露剛與相識20年的同學一起歐遊返港，嘉琪說：「今次係同相識咗20年的同學仔一齊去，先後到訪丹麥及布拉格等地，兩星期旅程相當愉快，加上剛好有朋友於丹麥結婚，所以好難得。（男友同行？）係。（咪好多電燈膽？）佢先係電燈膽呀，阻住我同舊同學一齊。因為咁有些工作接唔到，自己都覺得可惜，但諗深一層呢個行程比較有意義，而且我回來後一直有工開，來緊又有幾個廣告要拍，所以整個旅程我都冇慳住用錢，不過現在都未埋數，唔知究竟用咗幾多。（有否艷遇？）我去旅行唔化妝，冇嚇親人已經好好。」嘉琪又透露歐遊時自己「乜都食」，結果搞到旅途中生病。