■蒙嘉慧(右)接受黎燕珊訪問，分享愛情觀。香港文匯報訊（記者 植植）蒙嘉慧（Yoyo）早前接受黎燕珊專訪，說到自己成長環境並不愉快，母親懷着她時便已離婚，自小由外婆帶大，令她從小不相信婚姻，後來決定與鄭伊健結婚，全因朋友一句話點醒，「有個朋友問我『點解仲唔結婚？』，如果其中一方有事，我們即使幾親密，法律上都唔可以為對方做任何重要決定，我聽完又覺得好啱。」近日有傳Yoyo懷孕，但她澄清二人並沒有生小孩的打算，「我媽媽比較任性，我睇到婆婆成日要擔心佢，就明白養兒女係一世的責任，如果生個小朋友好似我媽媽咁咪好慘？我鍾意兩個人自由自在多些。」
因當年「奪麵雙琪」一事，伊健每年的生日都變成傳媒的焦點，為避開記者的追訪，伊健已習慣此日留在家中，只是Yoyo並不甘心。「有年我決定同伊健由後門出去，搭巴士去食飯慶祝，成功避開晒記者，原來伊健十八年無搭過巴士！」伊健今年的生日剛在上星期度過，Yoyo笑言：「我同佢一齊咁多年，今年第一次終於無傳媒跟！」