■左起:梁安琪、何超盈及何猷亨。香港文匯報訊 電影《地獄解碼》慈善群星首映禮前晚舉行，有份出席的名人紅星包括賭王四太梁安琪、女兒何超盈、周秀娜、陳凱琳、Amanda S. 、Ana R.、雷頌德及梁家玉等。四太梁安琪被問及兒子猷君承認與組合少女標本成員袁紫僑（CoCo）拍拖一事，四太梁安琪反問記者邊位係CoCo呀?又坦言未和女方見過面。
賭王何鴻燊四太梁安琪大女何超盈之「超盈文化」贊助《地獄解碼》電影慈善首映禮於前晚舉行，四太偕兒子何猷亨來撐女兒場，提到兒子猷君承認與組合少女標本成員袁紫僑拍拖，問她是否開綠燈？梁安琪說：「邊個CoCo？我識好多CoCo，謝賢都有個CoCo。我好朋友個女都叫CoCo。（他們認咗拍拖啦）後生仔女，拍拖都應該，係過程。（見過CoCo未？）唔知邊個CoCo。（覺唔覺得佢換畫好快？一年幾個喎？）邊個換得快你就問邊個啦。（有爸爸風範，多女仔埋身？）唔係，何生好專一，我有幾專一，何生就幾專一。」
望超盈學到老做到老
四太梁安琪被問到是否覺得超盈很叻？她說：「好多謝傳媒支持，何超盈可以有今日少少的成就，除咗有賴囮V力，亦有賴傳媒支持，希望意大利、香港、澳門繼續有文化藝術交流。我畀超盈少少忠告，少少成績係唔夠，要繼續努力，人要學到老做到老，要有佢爸爸的風範。(佢已經好勤力？）要畀啲壓力佢。（仲唔夠努力？）唔夠。」問到會否擔心超盈太忙沒時間拍拖？四太說：「拍拖是其次，事業才是一生的伴侶。」
Ana R.為愛女籌備生日派對
名模Ana R.穿上平底鞋現身兼肚凸凸。記者問她是否再度懷孕，她笑言是個美麗的誤會，並謂穿平底鞋只因早前抱女兒Maya時，不慎撞到牆角，弄傷腳趾，故不能穿高跟鞋。問她想不想再生B？她表示希望等Maya再大點先。提到Maya將於本月21日一歲生日，她正計劃為愛女籌備生日派對及在家中BBQ，屆時更會準備生日蛋糕，讓Maya在蛋糕前拍照留念。
龔慈恩帶同囡囡Ashley現身，Ashley很有潛力做model，身旁的媽咪龔慈恩就爆囡囡喜歡唱歌、睇書及畫畫，有時都會影相，有八級聲樂、拉中提琴，又識啲鋼琴係媽咪教佢，龔慈恩解釋係想囡囡每樣嘢都學吓，咁囡囡會唔會考慮做歌星？Ashley話未諗到咁長遠。
此外，問到囡囡讀大學諗好未？Ashley就話已經有晒plan，實踐緊。