■譚詠麟頒發「CASH音樂成就大獎」給鍾鎮濤。香港文匯報訊（記者 梁靜儀）《2016 CASH週年晚宴暨金帆音樂獎頒獎典禮》前晚舉行，「CASH音樂成就大獎」由鍾鎮濤 (阿B )榮獲，「最佳男、女歌手演繹」分別由張敬軒及衛蘭奪得，陳奕迅憑《無條件》奪得「粵語流行作品」、鄧紫棋則憑《多遠都要在一起》奪得「國語流行作品」，而麥浚龍及謝安琪合唱的《羅生門》則奪得「下載歌曲」，另外，謝安琪主唱的《山林道》更奪得「最佳旋律」、「最佳歌詞」及「CASH最佳歌曲大獎」，當晚大部分歌手均未有出席領獎。
當晚由譚詠麟(阿倫)頒發「CASH音樂成就大獎」給鍾鎮濤（阿B），台上阿倫大讚阿B作曲才華很好，認為他今時今日才攞獎好遲。受訪時問到阿B是否等了此獎很久？阿B笑說：「又冇特別等，呢個獎唔係見你年紀大就畀你，係幕後獎，作品好至有。」問到《誠懇》是否最滿意的作品？他表示自己創作的歌不多，是命中率高些。他又指以前流行唱改編的日本歌，但自己唔鍾意爭，所以搶唔到，到出碟時唔夠歌就自己寫歌，唔覺意造就自己寫歌，變了創作歌手，而他所作的歌都是自己的心路歷程。談到最滿意的歌曲，他笑言是下一首，而這個獎是香港樂壇給他，他都希望可以為香港寫歌。阿倫被問到是否覺得阿B太遲得獎，他說：「佢係實至名歸，但遲咗拎獎，我九年前都已經拎咗。」他表示忘記阿B可有作曲給他，但他就作過給阿B，而溫拿的《千載不變》就是他們一起作的。
阿倫與Sam合作瞓唔着
之前阿倫在歌神許冠傑（Sam）演唱會時曾邀對方合作，阿倫透露前日作了兩首歌，其中一首歌是首次跟Sam合作：「呢個係咁多年的希望，開心到好多晚瞓唔着，我朝早6點13分起身作曲，望出去露台一片漆黑，之後就有曙光出現，靈感就開始出現。」他指歌詞會由Sam負責，問到何時會開始錄音？阿倫說： 「要等阿Sam去完旅行返港就入錄音室，我知道晒佢的行程，阿Sam係樂壇忍者，好難搵到佢，仲唔捉實佢，佢同佢大佬（許冠文）都係高人。」 阿倫透露歌曲會貼地氣，類似《八十歲後》、《沉默是金》的音樂同意境，而另一首歌就寫給一個台灣女歌手，是合唱歌。