■薛凱琪透露自己都有寫劇本。香港文匯報訊（記者 梁靜儀）導演爾冬陞(小寶) 執導、徐克監製的武俠電影《三少爺的劍》前晚舉行首映禮，方中信與太太莫可欣及薛凱琪(Fiona)亦有出席捧場。Fiona前晚專誠出席捧小寶場，對於小寶有意開拍《早熟》續集， Fiona笑說： 「我成日叫佢拍《早熟2》，叫佢不要太快退休，拍埋我先。」她又透露有意執導：「自己都有寫劇本，想拍成一套戲，有問小寶我拍第一套戲會唔會幫手，佢之前應承過我，我會做導演，但唔講得住，等我工作冇咁忙先，拍了《早熟2》先。」問到有否問過房祖名的檔期？她笑說：「唔知他的檔期，游說咗導演先。」日前Fiona出席余安安女兒李文琪的婚禮，她亦被感動到喊，更被取笑不知情還以為是她嫁女。她謂將來都想生個像安安姐女兒般又乖又靚又孝順的女兒。問到她幾時會結婚？Fiona卻稱不心急。
方中信前晚偕同太太莫可欣出席首映禮，身為前慧妍雅集會長的莫可欣被問到近日梁小冰與陳法蓉（Monica）發生的「制服風波」，莫可欣說：「兩個我都識，覺得兩個都好好人，以前做會長時，Monica成日提點我，佢係有心幫人，小冰就好nice，上次我做慈善步行佢都來撐我，我諗係誤會啫，大家以和為貴啦！」問到她會否做和事佬？可欣就拒絕說：「唔會啦！我又唔在場，又唔知發生咩事，不過睇到新聞，大家唔好講咁多嘢囉，大家做呢一行，有好多情況會遇到，唔係個個都會受到尊重，有時個環境影響，唔係有心，自己都遇過呢啲情況，都係一笑置之，拎得起，放得低，做人至會開心。」
梁小冰指陳法蓉為人「好倔」，問到可欣所接觸到的Monica又是否如小冰所指？可欣說：「佢對我好友善，所以我都好驚訝點解會有呢種事發生，我需要幫手時，Monica有幫我，已經好感激。」