香港文匯報訊 陳慧琳（Kelly）前日出席DOLCE & GABBANA於香港舉行的高級訂製服裝騷。這是該品牌首次在意大利以外的地方搞騷 ，DOLCE & GABBANA兩位大師也有來港，更與Kelly合照留念，並大讚Kelly靚女。
Kelly過去曾到法國睇高級訂製服時裝騷。而前日所展出的都是高級訂製服，雍容華貴，不少鑲滿金銀珠寶閃石，Kelly謂：「靚到呢，靚到我一路睇，一路個心『嘩嘩』聲。」問到佢會否想訂一套？Kelly笑道：「我都想呀，訂粒鈕就得。好貴㗎！今次睇到嗰啲，閃到爆呀，我邊有咁富貴呀？訂粒鈕或者得囉，哈哈哈！睇咗個騷當着咗啦，咁靚啲衫，老實講送畀我，我都唔知點收藏，要請保鏢看住件衫。不過假如佢哋借畀我做演唱會嗰陣着，我無任歡迎呀，最多請多兩個保安睇實件衫，好似人哋請保安護住啲珠寶咁。」
Kelly與該品牌一直是「戰友」關係，Kelly解釋說：「因為好多次參加頒獎禮，拿大獎都係着�嘅戰衣上場，連參加北京奧運閉幕禮都係着吽A演唱會又有，唱片封套又有，總之陪住我度過唔少大日子啦。」