第七場､第四班､一六五○米。「信是有緣」上季取得兩一亞一殿未嘗一逞，而今季減至四十五分四戰，初出即在谷草一哩取得久違嘅頭馬，勝後再跑三仗俱跑入第四，今仗隔七日匆匆再上征途，又抽番上季四騎皆北雷景勳執韁必有得分，隨時冷門俾你驚喜。
第八場､第三班､一六五○米。「騰煌」上季於谷草千二及一哩交出四冠一亞一季，前仗九月十八日於田草千四米大敗跑尾二；事隔兩周回師強項谷草一哩，臨場越賣越冷，早段居後疊冇乜走勢，直路末段卻於外欄如飛殺上，就此贏半馬位爆大冷，今仗仍爭三班此程，抽到施慕齡上陣冷味盎然值得一敲。
第九場､第二班､一八○○米。「神舟小子」上季喺谷草短途取得三W，惟下半季狀態轉沉表現平平，而今季四戰練者刻意部署牠向中長途發展，剛役同程末段受阻遲望空仍跑近，終見試出成果，今次再爭千八改配狄狄仔火燒唔會熱，冷膽之材。