■陳法蓉、王愛倫及唐麗球等出席活動，Monica並代表慧妍雅集捐出廿五萬港元予兒童發展配對基金。香港文匯報訊（記者 梁靜儀）陳法蓉（Monica）、王愛倫及唐麗球等昨日出席《慧妍雅集--頌出下代光與熱活動》，Monica並代表慧妍雅集捐出廿五萬港元予兒童發展配對基金。
Monica表示因上年度的籌款成績很好，所以都會陸續進行捐款儀式。 她又透露已於七月卸任會長職位：「我已做了三次會長， 而每年七月份都會有新會長選舉，新會長是劉倩婷。」 她又否認卸任跟之前與梁小冰的罵戰有關。問到之前梁小冰的退會手續是否已辦妥？Monica說：「其實我都唔係好清楚， 因為我係其中一位義工，每一年都有好多新會員加入或者係有些會員離開，我想這些事交返畀個會去處理。」問到她會否提醒新會長要會員注意制服整齊，避免再發生不愉快事件？她避忌說：「呢件事我唔再comment啦，因為個會每次都有好清楚指示， 我作為其中一位義工，都係去配合。」她又透露剛與爸爸去了台北旅行， 重遊爸爸同媽咪以前就讀的大學及談戀愛拍拖的地方，感覺好甜蜜， 返港後正在計劃與朋友組識義工團，地點未定，可能去印度或尼泊爾。
王愛倫少理兒子感情事
慧妍副主席王愛倫昨日拉埋資深會員唐麗球一起接受訪問， 還叫大家有任何問題就問會長劉倩婷及主席楊婉儀。問到二人聖誕節會如何慶祝？唐麗球說：「鍾意同小朋友一齊搞大食會， 派禮物畀小朋友，好少出埠，因為鍾意一家人一齊。」
王愛倫就表示會留港跟屋企人一起過，因不想外出同人逼。問到兒子林建億是否都會跟她一齊過？她笑說：「他們自己有節目，但大時大節會一齊過。（是否帶埋女朋友返來一齊過節？）都會。（而家有穩定女朋友？）我都知算唔算穩定，因為好尊重小朋友，（女朋友係外籍人士？）我諗係，我唔敢答。(他太多女友？ ) 唔係，因我成日不在香港，唔係成日見。」問到可覺得兒子花心？她指兒子只是未定性而已，後生個個都花心。她謂兒子廿九歲，很少跟她分享感情事，自己亦不心急兒子結婚，更笑說：「可能我嫁先過佢，（好事近？）講笑。」