■Stephy坦言當時聽到戲名有點卻步。香港文匯報訊（記者 梁靜儀）葉念琛新公司花生騷電影《失戀日》前晚舉行首映禮，女主角鄧麗欣（Stephy ) 前晚穿上tube dress長裙盛裝現身，當晚出席的還有金燕玲、麥明詩、劉浩龍、張繼聰、林盛斌、林頴彤及莊思敏等，其中莊思敏更以超低胸現身，成功搶鏡。
Stephy受訪時表示影片拍攝時，正值她與方力申分手後，她笑指感覺導演是在其傷口上灑鹽，當時聽到戲名有點卻步：「怕畀人話炒作，但聽完故仔後知道唔係只係講愛情，覺得唔應該畀私人感情束縛所以照拍。」她笑言有提議過改戲名，但自己又想不到。戲中Stephy與金燕玲飾演感情薄弱的兩母女，更要被掌摑：「拍咗6、7個take，其中一take我見暈，畀佢（金燕玲）摑完成個醒晒，佢好似武林高手，好大力，拍嗰吓真心喊出嚟。」
問到Stephy可有邀請前男友方力申捧場？她坦言曾想過邀請對方：「大家有講笑叫佢嚟，不過戲中我有另一半，就係劉浩龍，為免尷尬都係唔好了，希望佢支持我就入場睇戲。」自從上次二人世紀合照後，Stephy表示近日在同事的婚宴上也有碰見小方，感覺很尷尬，因為身邊的朋友都不敢跟他們說話。對於小方曾指她一定不會約他一起度聖誕？Stephy說：「答中了，其他節日可以，聖誕節就太過敏感。」
師兄準備禮物送祖兒
首次登上大銀幕的麥明詩，前晚獲父母、哥哥、公司高層樂易玲、同屆港姐龐卓恩及師姐岑杏賢、朱千雪、陳庭欣等支持。剛過了25歲生日的她，透露收到朋友夾錢送的平板電腦，問到舊愛林作可有份送？她裝傻說：「返去check 吓先知。」近日正忙於拍攝電視劇《使徒行者2》的她，聖誕節要到深圳開工，她表示父母已自薦去陪她。
劉浩龍（師兄）表示聖誕要拍戲，會全男班一起過節。說到其女友祖兒希望與他於25日一起慶祝，他說：「放工梗係想見吓吽A希望開早班可以收早。」他又透露已準備了禮物給女友，問到他又想收到甚麼聖誕禮物？他說：「人愈大愈少收禮物，都冇咩鍾意。（鍾意祖兒一個？）OK啦！但佢唔係一份禮物。」