■岑杏賢香港文匯報訊（記者 梁靜儀）岑杏賢前晚出席《失戀日》首映禮，被問到前男友袁偉豪在無綫台慶頒獎禮上公開多謝她，會否好感動？她說：「我知道，每一位得獎者嘅感言都覺得好感動嘅，我好感激佢多謝我，身為朋友好戥佢開心。」袁偉豪曾表示想約她食飯，問到收到邀約未？她說：「未喎，朋友打畀我唔會唔聽，（會應約？）佢咁忙！」二人分手一個多月，雖然男方有意箍煲，但岑杏賢暫未有此打算：「都要時間去適應，做朋友相處幾開心，我哋有聯絡。（真係唔畀機會對方？）呢個問題問得好好，我自己有諗，應該要畀幾多次機會至夠？我哋之間感情事，自己知得最清楚，三年感情唔係冇畀過機會，唔係第一次畀機會。」她謂明白大家好想他們復合，但決定分開是不知怎樣去維繫一段失去了信任的感情，並希望大家給他們空間。