■佘詩曼香港文匯報訊（記者 梁靜儀）佘詩曼昨日以大使身份出席《廚餘消減活動啟動禮》，台上阿佘分享減少廚餘心得及玩遊戲。
活動後，阿佘接受訪問，提到她前晚與好友周家蔚入馬場齊齊拉頭馬，她開心透露發了新年財：「好開心呀，冇諗過贏咗 ，仲緊張過自己比賽！自己比賽可以掌握到，有啲心水，但隻馬係唔識㗎嘛，贏馬都好意外，都係支持吓朋友。」她透露贏了4、5位數獎金，打算捐去做善事。阿佘又稱暫時未有想過做馬主。問她是否有偏財運？她說：「自己唔係成日賭錢，但都有抽獎運行，喺TVB時就抽中過台慶二、三獎，又試過同一班朋友夾份買六合彩，中過7位數字。」說到她正財、偏財運都有卻獨欠桃花運？她知足說：「唔可以十全十美嘅，我有健康囉！」問到她踏入新一年可想行桃花運？阿佘就反問：「點至可以有？」她認為感情事要順其自然不可強求，不像工作可以有把握，感情要上天賜予。問到會否在家中擺桃花再圍住它行3個圈催旺桃花？她笑道：「有用咩？」
農曆新年將至，阿佘表示月中會與古天樂拍一部恐怖片，希望完成後可陪家人去澳洲旅行。問到可想有艷遇？她帶笑說：「冇諗過，係咪真係有㗎？定係電影裡面至會有？（一個人去機會大啲？）一個人去好孤獨㗎！（搵個外籍男友？）同聲同氣會好啲，我未試過同外籍人士拍拖！」