■歐倩怡(右)與莊思明的另一半在新年都要開工。香港文匯報訊（記者 梁靜儀）歐倩怡與莊思明昨日出席「apm 金雞報喜迎春」活動。歐倩怡表示新年會留港度歲，因老公郭晉安要拍《老表， 畢業喇！ 》，她笑說：「冇理由留低佢，我唔諗住飛起佢，咁好似冷戰，去旅行要一家人。」她表示留港也有很多活動，都想一家人去露營 。說到安仔之前拍劇扮過深山野人成了求生專家？倩怡說：「野外求生佢應該冇問題，我諗如果佢捉隻青蛙畀我點算，可能我同仔女都彈開。」提到之前安仔因拍《致命復活》而過瘦，倩怡透露開心見到老公肥了一點。至於有指安仔之前患上抑鬱及冷落了家人，送遊艇給太太作補償？她笑說：「我有船牌，又住西貢 ，泊船好方便，但養船皮費重，要努力工作搵錢，稍後我會主持一個資訊性節目，詳情稍後公佈。」另外，對於經常有傳她會生第三個小朋友，她就否認：「兩個夠晒數，已經有個好字，唔生喇，養一個小朋友唔少錢，搵食艱難，所以我要出嚟做嘢幫補。」
思明表示初一至初三會放假，問到會否去男友家拜年？她說：「男友要拍劇，要睇時間，舊年未同佢一齊。（知唔知未來奶奶鍾意咩禮物？）佢好隨和，但我都會探吓口風。」問到會否與男友行花市？思明指男友因舊患腳痛，應不會去行花市了。她謂也有上網看看有什麼湯水適合男友，笑問男友能否自己沖涼？她笑說：「沖到，（有冇要你幫手？)咁就唔好沖，叫佢乾洗，畀條毛巾佢抹。」