■薛家燕與安德尊相約到鑽石山辦年貨。香港文匯報訊 （記者 梁靜儀）薛家燕與安德尊（大王）日前相約到鑽石山辦年貨，工作忙碌的家燕姐，每年都會親自去買蔘茸海味，她笑說：「年年都要辦年貨，呢個係中國傳統習俗，代表年頭好到年尾，必須要做，知道大王近排忙到飛起，好難抽時間辦年貨，所以叫埋大王。」說到可能已有人已幫大王辦了年貨？家燕即爆料說：「就快有人幫他辦了，我同大王講，已經十二年，又咁好感情，唔好辜負人家青春。」大王聞言即無奈走開。家燕姐繼續說：「聽四位玄學名師都話明年雙春兼閏月，同一時間擺酒生仔都可以，我識大王女友（S小姐）好多年，又幫得手、好Nice又靚女，但大王唔認係女友，只係助手，我同佢講其實兩個投契，都係時候。」至於她的桃花運，家燕姐笑言自己雞年桃花直頭旺。有人提議她可效法大王，也找個男助手？她笑說：「我要『男老闆』，開玩笑。」
近幾年都在行大運的家燕姐，一年忙到晚，令她盟生退休念頭：「原本諗過呢一兩年退休，但大師同我講起碼做到七十八歲，我說不是吧，不過見修哥(胡楓)都做到八十幾歲，又話學校會搞上市，（計劃今年上市？）唔係今年，起碼開到三十至四十間，𠵱家有八間，有三間洽談中，香港同內地都好注重少兒文化教育同長者護理，十一年前我已覺得少兒文化教育好值得推廣，可提高小朋友品行、儀態等各方面質素，思想品德好重要。」談到新年願望，家燕姐透露稍後將再與黎小田合作，主持一個綜藝歌舞節目，希望觀眾喜歡。家燕姐又不忘向大王催婚，盛讚S小姐是很好的賢內助，叫他不要逃避問題。大王說：「酒席要妳包。」問到他與S小姐是否好事近？大王強調真沒這回事，笑話一則:「咩都唔係，自己冇女友，對方只係助手，冇私有化，(未有結婚計劃？)：「冇呢件事，唔係拍拖，冇呢件事，畀人影咗出嚟，令到大家誤會。」