■葉麗儀今年難得留港過新年。香港文匯報訊 葉麗儀（Frances）已多年沒在港過農曆新年，今年她應賽馬會邀請於大年初三在馬場唱歌，故才難得留港，日前她接受有線《樂壇第一手》節目主持鍾煒喬訪問，透露今年尾是其70大壽，屆時會舉行巡迴演唱會慶祝。
說到巡唱歌單中，《上海灘》必然榜上有名，Frances笑道：「呢首歌唱咗36年，每年仲要翻唱N咁多次，不過我唔會唱到厭，反而好感激。呢首唔單只係我嘅招牌歌，可以唱足咁多年亦係一個奇蹟！」而且Frances指隨着人生經驗豐富，自覺唱腔亦由以往的稚嫩變得更有霸氣。
至於巡唱地點少不了香港，Frances被問會否趁機回歸樂壇？她坦言不會，續說：「我好珍惜同屋企人嘅相處時間，尤其現在兩個孫仲細，我可以幫手照顧，陪佢哋玩，教佢哋廣東話，再大一點，佢哋就唔會黐我了！」Frances不諱言內地歌唱比賽節目亦曾找她亮相，不過已被她婉拒，Frances坦言：「我都70歲人啦，仲咁辛苦來做乜？現在我要慢活，享受人生，只係做自己想做嘅事，好似打Golf咁。」