■周星馳、吳亦凡、徐克落力宣傳電影。周星馳和導演徐克，內地演員吳亦凡為電影《西遊·伏魔篇》作客有線《電影蒙太奇》接受主持嚴崇天訪問，「西遊記」人物家喻戶曉，星爺卻點將「小鮮肉」吳亦凡擔演唐僧角色，被問原因時星爺搞笑答：「梗係演技啦，除咗演技，佢仲有咩呀！靚仔？唔覺呀！」星爺說着比畫着徐克說：「邊有得比呀！」
徐克聞言即唱反調：「我貪佢靚仔呀，剃光頭仲好睇！」星爺聞言掩嘴偷笑，續謂：「導演實唔同意嘅，我哋好有分歧，不過有分歧係件好事！好似佢話個個拍「西遊」都用特技，我哋就唔用，問你死未！」然則新片跟其它「西遊」系列有何不同？星爺沒好氣地笑道：「除咗無特技，其實都無咩唔同！」
吳亦凡對能和星爺、徐克兩位影圈舉足輕重人物合作感到好激動和榮幸，並指二人要求甚高，嚴崇天遂追問星爺對吳亦凡的要求到底有幾高？星爺竟笑着望向天花板說：「都高過呢度㗎！」令嚴崇天忍俊不禁。