■王君馨香港文匯報訊（記者 梁靜儀）王君馨（Grace）昨日身穿白色低胸裙出席新春活動，情人節將至，大會安排Grace即場製作LOVE相架。
Grace透露情人節會到馬來西亞出席個人首飾品牌新店開幕，未婚夫可能都會一齊去。至於婚前最後一個情人節會如何慶祝？Grace說：「過去十年都無一齊過情人節，唔使送禮物，可以一齊食飯已經好感恩，我會買盒朱古力畀佢。」
計劃今年結婚的Grace，透露籌備婚禮時，以為自己兩個月搞得掂，但女仔都是多心，每個星期挑選的婚紗都唔同，又有袖、又無袖，有時又想透視，她說：「不過pre-wedding可以揀少布啲，結婚嗰日有長輩就要保守啲。」她又打算去熱帶地方影婚紗照，但就不會拍泳裝婚紗相。問到婚期，Grace透露會在夏、秋季之間，好姊妹鍾嘉欣會擔任伴娘，希望一班姊妹都可以出席自己的婚禮。
說到好姊妹之一的苟芸慧近日與陸漢洋傳緋聞，Grace就避談，說要問返苟姑娘，又稱未見過男方，但都要攞對方電話，因她很擔心苟姑娘經常賽車，希望對方好好照顧她。