有時有啲嘢講可以講得好漂亮，但講得太過理想化，其實都係另一種「離地」。特首候選人曾俊華此前發表網誌，借拜訪「陳校長免費補習天地」，借題發揮一番，「我常說，如果一個社會的教育制度健全，補習不會出現。」不過，有作家在fb挑機，指日韓台英美法都有補習，「索馬里同南蘇丹可能真係無補習社，咁並唔係因為佢地（哋）的教育制度健全，而係因為不健全。」
作家「軒翥而翔」近日對鬍鬚講到社會教育制度健全就不會有補習的言論發帖，「曾俊華個 campaign 不時有金句，要講民眾岩（啱）聽的說話，今日終於出事。我就挑你機，邊個社會的教育制度健全到無補習？麻煩講一個出來。美國有，英國有，法國有，澳洲有，新加坡有，日本韓國台灣，愛爾蘭，全部都有。索馬里同南蘇丹可能真係無補習社，咁並唔係因為佢地（哋）的教育制度健全，而係因為不健全。」
「我敢同曾俊華輸賭一餐飯」
他在留言中坦言，自己在英國居住的八九年間，「香港，新加坡，南韓（韓國），日本，台灣，呢d（啲）地方，教育體制相比全球大部份（分）國家（及地區），都要健全。有無因此令補習風氣減少？根本就無。......我敢同曾俊華輸賭一餐飯，或者任何其他賭注。即使佢做特首，任佢做5年，10年，做到幾健全的教育制度都好，補習都一定存在。......要補習唔出現，最直接就係要消除考試。但幾健全的教育制度，都好難避免考試。」
不少網民留言表示贊同。「Ivan Li」稱，「英美有錢既（嘅）直頭搵個全職導師 ，教晒遊山玩水米芝蓮博物館搵工溝女......講教育，亞洲區香港新加坡日本點都龍頭。全部補習盛行。愉快學習請去菲律賓。」「Edward Tang」則揶揄曾俊華道：「呢個故事教訓大家：×噏，都要有個譜。」 ■記者 羅旦