■王嘉儀香港文匯報訊（記者 植植）歌手王嘉儀昨日到新城宣傳新專輯《Sophrology》，自從去年底喺網上發行後，估唔到今次實體CD都有咁多人支持，日前仲打入IFPI銷量榜，問佢知唔知實際賣咗幾多？嘉儀表示今次計咗成本後印咗三千隻，至於賣咗幾多自己不知，可能公司會知，都希望反應好賣晒可以加印。
今次由趙增熹出錢投資，而音樂方向就由佢自己決定，她好感激阿熹的信任。嘉儀說：「佢(趙增熹)對我成績講咗句not bad。稍後會舉行分享會講吓出碟經歷，希望將來有機會開到音樂會。最開心係瓊姐(網紅)在網上 like我的歌，之後再出post讚，我身邊朋友話要在瓊姐度落廣告係好貴。」