■阿Bob即場抱起張惠雅。香港文匯報訊（記者 梁靜儀）林盛斌（Bob）、張惠雅(Regen)、胡渭康及張美妮等，昨日在將軍澳電視城為節目《最緊要好玩》錄影。Bob開心透露該節目收視最高有15點，破了該時段近年紀錄，他估計可能是觀眾鍾意睇這類EYT式短片趣劇，不用點諗可以笑吓的節目。他又笑謂節目原本只做幾集，但現在就添食到宇宙終結時，未知做到幾時。
Bob透露今集扮演土豪去餐廳，但因語言問題鬧出很多笑話，節目中更要抱起張惠雅，他笑說：「原來佢好重，佢身體就細細粒，但抱起就細細粒咁重。」之後阿Bob還即場抱起Regen，更面露痛苦狀。
Regen坦言自己磅數唔輕有百零磅，很多朋友以為她很瘦，但其實她有個大肚腩，因自己太鍾意食嘢，但稍後就要拍攝網劇，希望可以減到九十磅，不過自己已經有八年未試過減到這個磅數，她說：「遲點會好似張家輝一樣接受地獄式訓練，希望可以練到肌肉結實。她自言初出道時可以一日吃一個蘋果加一片方包，但現在可能年紀大了唔餓得。