■明年是周慧敏加入樂壇三十周年紀念。香港文匯報訊 周慧敏（Vivian）日前作客TVB娛樂新聞台節目《StarTalk》，大談前往印度加爾各答探訪的感受，她說：「我對貧窮唔陌生，因為我細個住木屋，一打八號十號風球，間屋搖吓搖吓，我就好興奮同覺得好好玩，但我阿媽同嫲嫲個樣就變晒，好擔心，用膠桶去載水，之後媽媽同嫲嫲努力儲錢，我小學就可以上樓。」
Vivian表示好期待探望的生活，因為每次探訪都可以吸收靈氣。對於養生方面，她說：「我有健康嘅生活，我從來唔煙唔酒，又吹得冷氣，應該會對身體好啲。如果面對工作，心態係去結交友誼，而唔係競爭，咁會對成件事有改變，會更加享受我嘅工作。」
明年是Vivian唱歌三十周年紀念，她說：「我太耐冇喺香港做騷，我意向想有個舞台機會同歌迷聚吓，但現在唔敢承諾太多，隨緣好啲，（Ready在台上開騷？）我本身有Keep住做聲帶嘅訓練同聲樂課程，所以唔擔心上台表演。」問到工作上還有什麼想做？她說：「喺工作上唔再特別諗，因為有太多嘢未做過，好似舞台劇同科幻題材嘅角色。其實現在會注重家庭上嘅角色，我係一位太太，又係貓貓嘅媽媽，我想做得更好，同埋會珍惜現有嘅嘢。」