香港文匯報訊（記者 梁靜儀）心晴行動信託人兼創辦人林建明（大姐明） ，昨早聯同是次活動的「愛心大使」萬綺雯（蚊蚊）與蔡瀚億（BabyJohn）出席《心晴跑。跑傳情》慈善跑。
大姐明表示活動已舉辦了多年，她每年都風雨不改出現。談到過往她曾邀請吳綺莉參加慈善跑，大姐明表示今年沒有邀請對方，亦知道對方近日與女兒卓林的新聞。問她會否想關心一下吳綺莉？大姐明說：「佢都知我哋個個關心佢，但要喺適當時間，呢段時間要畀啲空間吽C」大姐明表示平日與卓林比較少見面，對方生日都會見面，但近兩年就少了。問到可覺得卓林是反叛期？大姐明認為是天氣有影響，始終家家有本難唸的經，不是當事人好難評論。至於會否跟她們兩母女傾吓，讓她們的關係緩和？大姐明說：「好多嘢解鈴還須繫鈴人，以我專業認知嚟講，如果佢冇主動，旁人唔插手會恰當啲，（她們求助至幫？）呢啲又冇話幫唔幫，旁人只係推動同幫手，真正幫嘅係自己，冇人幫到自己，如果佢唔肯幫自己，人哋點幫都係冇用，（可覺得兩母女爭拗好可惜？）等天氣好啲啦，會雨過天晴。」
有指吳綺莉情緒起伏很大，大姐明就覺得很正常，她認識很多人都是這樣，可能吳綺莉是做演藝圈才會被關注。又有指吳綺莉酗酒？她說：「我唔覺得係咁，只係一、兩次報道就標籤佢，（吳綺莉自稱EQ低？）我唔知，佢自己咁講，咪叫佢多多學習，人生人與人相處就係不停學習，（點睇卓林報警？）我都唔了解件事，唔評論喇！」她又希望大家給她們空間，有時間她都可以約吳綺莉跑步，多運動對精神情緒都有幫助。