■鄧麗欣香港文匯報訊（記者梁靜儀）鄧麗欣（Stephy）昨日出席愛培自閉症基金舉辦的《藍服日2017》活動，並呼籲大家關注自閉症兒童，其間Stephy在台下聽到自閉兒童家長分享時，更被感動到眼濕濕，之後她又與攝影師顏米羔即場設計T恤，畫了代表快樂、光明與力量的花朵圖案，以圖案代替語言傳達關注自閉症的訊息。
Stephy被問到剛才聽分享時眼濕濕，她表示因首次聽到自閉症兒童家長分享平日遇到的困難，所以希望大家多些關注及支持。她自爆小時候試過被懷疑有自閉症：「我細個好少出聲，唔識表達自己，可能我係單親家庭，覺得自己同其他人唔一樣，影響到情緒，好多嘢唔開心。」她慶幸讀中學時認識到一班性格開朗的同學，會主動撩她玩，令她可以打開心扉，學識去表達情緒及關懷別人。問到如何紓緩不快情緒？Stephy說：「好靠自己，自己唔會畀好大壓力自己，就算工作同情緒，都係畀自己傷心一個星期，要迫自己拎返正能量，投入返去。（同方力申分手都係傷心一個星期？）好難講幾耐，唔開心總會，要諗其他方法，自己會打波，令自己忙些，唔好記住傷心。」
提到好友楊愛瑾(Miki) 快將生B，Stephy稱未準備禮物，希望Miki和小朋友健康，問到會否當契媽？她不覺意爆了Miki陀仔：「冇諗過，因我已經契咗兩個，契太多唔好，(契仔定契女？)兩個都係契仔，(如果楊愛瑾生女就多個契女？)仔來的，佢沒講咩？」