香港文匯報訊（記者 梁靜儀）黃榕與仙樂都昨日到九龍城出席潑水節宣傳活動。現場十分大風，性感現身的黃榕冷得雞皮疙瘩。
家鄉在泰國的仙樂都表示之前曾跟親友在泰國過潑水節，她笑說：「 講講下嘢突然被人兜口兜面潑水，冇好嬲，但好無奈，喺香港又試過畀人用水槍射甩眼睫毛。」仙樂都多年前曾自爆上過郭富城屋企玩及為對方做facial，對於城城快將結婚，她表示已經多年冇聯絡，但祝天下有情人終成眷屬。
黃榕之前推掉以台灣富二代李宗瑞慾照事件為題材的電影，她解釋因為尺度太勁：「面試時我跳咗一隻性感舞，佢哋好鍾意，所以就搵我拍，但我接受唔到個尺度，角色唔止冇衫着，仲要露兩點，過唔到自己的底線，（底線唔露點？）半點都唔露得，驚露咗男朋友都冇埋。」問到是否已有男朋友？她承認正在蜜運中：「最近同一個圈外人拍拖幾個月，對方對我好好，（點識？）都係同健身有關，（結婚對象？）了解吓先，唔好咁快say yes。」問到是否男朋友不喜歡她作性感演出？她承認男友不喜歡她性感。她透露正在學泰拳，想向演員方面發展，想做打女。