■馬國明爆蔡思貝又撞車。香港文匯報訊（記者 梁靜儀）馬國明(馬明)、蔡思貝、王君馨、裕美、敖嘉年、楊明及湯洛雯等，昨日出席無綫劇集《心理追兇Mind Hunter》之「極速任務」宣傳活動，眾人大玩小型高卡車，結果由裕美勝出，而剛拍完通宵戲的馬明就沒有落埸，馬明自爆與緋聞女友黃心穎有進展，一齊吃日本菜。
一臉倦容的馬明表示前日早上十點開工拍《宮心計2深宮計》，外景接廠景，直至翌日早上六點才收工，之後隨即又要出席《心》劇宣傳，好眼瞓所以沒有落場，怕有意外。
受惠舊愛家人湯水
問到他連踩廿個鐘頂唔頂得住？他說：「其實開兩組，時間都算正常，暫時仲OK，冇病，係都要留吓力，有時拍太累，對白都係死記，都唔係好明。」他直言緋聞女友黃心穎沒有煲湯給他飲，反而舊愛胡定欣的家人有煲湯水，連他都有受惠。他又指心穎都是拍《宮》劇，就算想煲湯都有心無力。問到他與心穎可有進展？他自爆有進展：「之前放了一日假，約咗吤h食日本菜。（又係日本菜？）我們兩個都鍾意食日本菜。（邊個請？）佢畀，因為之前有啲嘢我畀咗，朋友出街係咁，有啲你畀、有啲我畀。（放假都唔瞓覺？ ) 剛好第二日唔使開好早，食餐飯啫。（加深了了解？）知道佢鍾意食日本菜，都有些進展，（有冇goodbye kiss？）冇咁快，(拖手？ ) 冇咁快。」
蔡思貝又撞車
蔡思貝被其他演員取笑怕了她手車，她表示甲蟲車之後就是現時揸的車。說到馬明爆她又撞車？思貝否認撞車：「前排天雨路滑，有日上斜跣軚，架車比較舊，地下濕濕哋就撞咗，撞到泵把，而家換咗新車軚就冇事。」她又自爆被其他同事笑她是車手，說要等她出車半小時後才出車。問到是否要補鐘？她笑說：「Touch wood OK。」
有報道指裕美被新婚在即的王君馨「逼遷」，要返娘家公屋居住，兩人受訪時齊聲否認，裕美自言去年十月已搬回娘家，因為搬出來居住多年，加上經歷了咁多事，希望返去多陪母親，現時間中她都有回去探望君馨及煮飯仔。有指她慳家搭小巴？君馨即幫口說：「周潤發都坐地鐵啦，我們要向發哥學習。」
君馨想納裕美為妾
裕美自言收工後也是普通人一個，不一定要坐的士。問到搬回公屋娘家居住可會不習慣？她表示小時也是在貧窮地方長大，反而好懷念這些日子。
結婚在即的君馨，主動澄清未婚夫現正在香港，但兩人仍未一起住：「我們仲係分開住，希望婚後至一齊住一個好大的地方。」她又大讚裕美廚藝很好，婚後也想納對方為妾，老公都要接受她們這個關係，裕美笑言如果君馨是男人就嫁了給她。