■周秀娜和鄭欣宜分享對三十歲的感覺。香港文匯報訊（記者 梁靜儀）周秀娜(娜姐)、鄭欣宜、導演彭秀慧昨日到圓方出席電影《29+1》優先場，招待一班接近三十歲的觀眾入場睇戲，完場後三人與觀眾分享觀後感，並推出蛋糕為今個月30號三十歲的欣宜慶生，現場觀眾又一齊唱生日歌。
娜姐被問到對於三十歲的感覺如何時，她表示去年拍的時候已三十歲，拍完之後反而開心了，因她覺飾演的是女強人，而欣宜的角色就好開心，拍完覺得可以切換到開心心態。問到會否為自己訂下目標？娜姐話：「想工作可以開心啲，唔係話現在工作唔開心，而係有時工作會面對唔同壓力，有時係票房壓力，這些控制唔到，或者係想拍的劇本拍唔到。」至於又可會心急拍拖？她說：「拍戲時候有想過搵個男仔拍拖，因為戲裡面的感情線唔開心又孤獨，所以返屋企都想有個伴，但呢樣嘢沒得心急。」
快將三十歲的欣宜亦不心急拍拖，又覺得自己越來越似女強人， 日前她與朋友打麻雀， 雖然不玩錢，但自己都好認真，覺得自己連娛樂都要掌控就好奇怪。欣宜又稱三十歲前投放了很多時間在事業，現想做自己想做的事，所以六月尾會返加拿大，想多陪屋企人。問到生日是否會在加拿大過？她一時說錯：「三十歲過唔到！」之後解釋她是想說三十歲生日不是在加拿大過，至於生日可能要出埠工作。