■杏兒別出心裁於昨日母親節宣佈陀B。香港文匯報訊 恭喜恭喜！昨日是母親節，37歲的胡杏兒在社交平台宣佈陀B，並坦言：「今年的母親節太特別了，感恩上天送給我們的禮物，感覺好奇妙。我們的李寶寶已經迫不急待在自己肚子裏做起仰臥起坐了，寶寶再等一下，爸爸和媽媽也很期待和你見面呢！」
37歲胡杏兒於兩年前下嫁老公李乘德，結婚多年來，2人一直都講到明想追仔，而昨日母親節佢就有好消息，網上宣佈陀B。
晒BB超聲波相
昨日下午2時，杏兒先於社交平台貼咗張托住個肚的相，之後再post BB的超聲波相宣佈有喜，最後佢再post咗張老公李乘德錫佢肚的相，杏兒仲留言說：「Happy Mother's Day to all mothers in the world (including me)! We are so blessed to let you all know that Little Lee is on the way. Little baby Lee is already doing sit ups in my tummy, yes, mummy and daddy can't wait to see you too!! 今年的母親節太特別了，感恩上天送給我們的禮物，感覺好奇妙。我們的李寶寶已經迫不及待在我肚子裡做起仰臥起坐了，寶寶再等一下，爸爸和媽媽也很期待和你見面呢！」至於杏兒老公李乘德亦有於社交網站上載聽肚入面BB心跳的照片，並留言：「Happy Mothers Day to the most beautiful mother to be.老婆，第一個母親節快樂！We cannot wait to see you！So for now I will just try to listen to your little heartbeat.」
杏兒已經見肚，據知目前她已陀B四個月，但身形都好纖細。杏兒接受訪問時表示之前一路都唔講得，老公都擔心，三個月前都危險，大家都要保守秘密，好多人都冇講，係最尾最尾差唔多先同好close朋友及屋企人講，現在順利過渡，可以同大家講，都好開心。」問到杏兒陀B的感覺，佢就話：「開始陀B會辛苦少少，之前都會有想嘔，但嘔唔出，好似個胃唔舒服，又冇乜胃口咁，開始時反而瘦咗少少。(仔定女？)老公話等遲些先問醫生，唔好咁急，最緊要係等佢健康。」杏兒表示：「不伯因陀B全面停工，拍劇時間好長，就唔拍了。會揀，也會問過吓老公先，屋企人都擔心。」她並特別多謝奶奶日日在屋企煮東西給她食。