■黃婉曼與媽咪香港文匯報訊（記者 梁靜儀）昨日是母親節，唐寧與黃婉曼（Icy）分別偕同媽咪出席《認識BRCA基因突變卵巢癌@母親節》活動。懷孕七個月大的黃婉曼偕同媽咪及肚中女兒三代同堂慶祝母親節，Icy指近日每晚BB都踢她，以致天光至可以有覺好瞓，剛才活動期間當她說話時，BB又不停踢她。她說：「老公都有同B傾偈，叫佢唔好踢媽咪，(有冇抽筋？ ) 今朝早有抽筋，但我唔好意思叫老公幫我按摩。」她表示近日開始收到朋友送給BB女的衫，自己都好期待見到女兒穿起衣服個樣。Icy又透露已為女兒開了社交平台賬戶，記錄她的點點滴滴。問到改了名未？她說：「改咗英文名，但中文名就交畀長輩改。」問到她何時停工待產？她表示未有想過，因為麵包店都是她的BB，媽咪就笑稱將來她生了，就在麵包店幫她抱住BB，讓她可以工作。
唐寧帶媽咪開工
童星出身的唐寧表示以前是媽咪帶她去工作，現在長大了則是她帶媽咪開工，她說：「第一次帶媽咪出來做嘢，媽咪好緊張，我有同媽咪講解活動好有意義，所以媽咪都支持 。 」問到如何慶祝母親節？她說：「媽咪話千祈唔好出去食，因為要等位，我上網睇到教煮素擔擔麵，媽咪又鍾意食，我又食素，所以我會下廚煮擔擔麵，應該唔會出事。」她又讚媽咪煮嘢食好叻，相信到時媽咪會走入廚房。她又透露大仔原本砌了一架車給她做母親節禮物，但坐校車時被妹妹整爛了，她說：「我連條屍都冇見到，囝囝仲安慰我話遲些畀個驚喜我，又模擬過點樣送禮物畀我，聽到佢有呢個心已好足夠。」