■BTS載歌載舞。香港文匯報訊（記者 植植）韓國人氣男團防彈少年團（BTS）前晚於亞博舉行巡迴演唱會香港站，7位成員更大晒廣東話、唱跳逾兩小時冧粉絲。首晚個唱，「宇宙最強」的甄子丹亦有現身撐場。
7名成員包括Rap Monster、Jin、J-Hope、Jimin、Suga、V及柾國一貫出盡渾身解數落力演出，以《Not Today》一曲打頭陣。隨後7子逐一以英文打招呼，隊長Rap Monster表示：「好高興見到大家，歡迎來臨今次的演唱會。」Jimin則稱：「好耐沒見，好掛住大家，聽講今晚港騷啲飛好快賣晒，好多謝大家。」，而Jin、Suga、柾國打招呼亦分別送飛吻、扮Cool及賣萌冧粉絲，又唱又跳令粉絲瘋狂尖叫。
J-Hope唔小心跣親
之後7位成員輪住出場唱出自己的Solo曲後，負責Rap部分嘅Rap Monster、J-Hope及Suga合體唱出《BTS Cypher4》，3子更興奮到向台下粉絲潑水，令舞台盡濕，導致J-Hope表演大熱歌曲《Fire》時唔小心跣親，幸有驚無險立即起身跟上舞步繼續演出。
BTS最後Encore咗三首歌曲，唱完第一首時7子再次用廣東話講在香港開騷的感受。