今個馬季可說是高伯新馬房最艱巨的一季，大半個馬季都處於低潮期，直到四月尾先開始露出曙光，連續贏咗幾個賽馬日，雖然頭馬仍未達標，起碼負評已一掃而空，只要加把勁，應可以護級成功。「可能大眾馬迷都很關心我能否達標，但我並不太着意，只會着眼握漕⑹龰A做好本分。」高伯新說。
周日賽事高廄雖然報名馬唔多，只得五隻，不過四隻正選馬都屬有贏面嘅實力分子，要延續勝勢並非不可能。牌面最高首推出戰三班草地千六米的「大籐王」，呢隻三歲馬季內賽過五仗錄得一冠兩亞一殿，唯一無獎金是初出跑嫌短嘅千二米，而前仗首次出戰田草千六米即秒殺「奪冠」取得在港首場勝仗，當時場地為好至黏地，直路踩段廿四秒一五拉士屬全組最快，顯見隻馬非池中物。剛戰升上三班依然受到熱捧，閘前由六倍打至四倍，結果只是僅敗得梗頸四而回，今次舊地重遊，高伯新對隻馬機會分析說：「隻馬嘅質素相當好，而且適應能力又快，狀態容易操起，但始終尚年幼，仍在學習階段，陣上集中力不足，其實上場是有機會贏馬，就係因為末段受催策時，隻馬將頭轉側並外閃，因而未能發揮出應有水準，而首次跑三班賽欠缺些少經驗也屬致敗原因，能有咁接近表現已感到滿意，相信呢隻馬上了寶貴一課後，今次會有更進步演出，對牠取得季內第二場勝仗仍抱樂觀態度。」
上賽首度登場嘅三歲澳洲周歲馬「快利」，由史卓豐執韁出戰田草千二米，結果以頸位不敵另一匹初出馬「承你所願」而得亞軍，相隔三周後增程角逐千四米，高伯新表示：「隻馬前景應該唔錯，上賽初出好明顯是輸進度，因為隻馬在直路早段受催策時走勢稚嫩，加上出閘又跟另一駒發生碰撞，結果只是僅敗，對牠的演出已感到滿意，畢竟是初次出賽唔可以太苛求，而隻馬經過一場實戰後，成熟程度確實提升唔少，起碼走規純熟好多，我相信今場路程加長二百米會更合發揮，希望到時會有令人驚喜演出。」
上季來港的澳洲自購馬「永勝神駒」，至今跑咗八場都未能取得勝仗，不過當中有五場能夠走入前五名，今次出戰三班田草千二米，高伯新說：「隻馬質新唔係咁差，只是進度來得較慢而已，其實上賽已有贏馬機會，可惜抽咗外檔沿途際遇差到不得了，轉彎走多唔少腳程，縱使直路能踩段全場最快拉士也未能力挽狂瀾，最終只能跑得第四名，不過隻馬狀態越來越好是不爭事實，今次只要有好形勢配合，我相信牠是有贏馬條件。」