■岑麗香考慮搵埋老公做直播。香港文匯報記者彭子文 攝香港文匯報訊（記者 梁靜儀）露肩上陣的人妻岑麗香，表示可能在手機程式中教大家瘦身、減肥餐單，或者教網民化妝、Set頭。至於可會叫埋老公強強一齊分享sweet嘢？她笑說：「開頭應該唔會，我有諗過搵埋老公一齊做，我見過有blogger叫老公幫自己化妝。」說到點擊率高的藝人有錢賺？香香認為是好事，多一個方法搵錢，又可以做下生意，跟粉絲多些接觸。
高海寧（高Ling）自言鍾意食，可以在程式內介紹美食，又可以給自己藉口去食嘢。問到會否放性感相增加點擊？她笑說：「可以考慮吓，最近自己做運動減肥，可以拍片分享點樣可以食好多嘢又可以有好身形。」她又謂都有打算在網上賣銀器首飾，因為爸爸識做銀器生意，貨源冇問題，但一直不懂怎樣收錢。她更已想好出動埋爸爸拍銀器首飾製作過程，而她因為不懂畫畫及設計，細佬都識畫畫，再交畀爸爸整。笑指她出賣全家人？高Ling笑說：「唔係出賣全家人，係家族生意。」至於會否唱歌表演？她自言無謂獻醜，或者可以同網民對戲。
龔嘉欣今次會為big big channel拍煮食節目，會在家中拍食消夜，因為她愛食消夜。跟好友姚子羚同居的嘉欣，笑言現與對方是「半同居」: 「我都想佢快啲嫁，但冇理由女仔出聲，交返畀男方講。（子羚恨唔恨嫁？）我唔可以代答，（佢返得嚟多唔多？）佢開工都會返，因為近公司！幾好呀，有兩頭住家。」