第三場、第四班、一二○○米。「紅褲精神」今季初轉容廄發展，經兩次上陣落第後便加盟霍利時馬房，新倉接手後七戰，當中六次跑谷草一次跑泥地，雖然未贏但有五次跑入前四名，經常受制形勢後上姍姍來遲，但也反映出狀態長期有水準；上場跑窄場千二米得第三；今次匆匆再戰理應可提升名次。
第四場、第四班、一六五○米。「盈豐駿駒」今季八戰未勝，但每仗都躋身二至五名有獎金，期間三次跑亞軍，當中兩次輸短頭欠運。姚本輝養馬量長期爆倉，「盈豐駿駒」此刻七歲，季初兩度失手後升上三班兩戰獲一季，之後得評磅員高抬貴手回調四班；近兩場末段先出頭但到最後被擒下，馬主殷劍波差不多兩年未贏，其太太與「快車」系同屬慈善機構博愛醫院中人，彼此關係長年友好作風鮮明，可信「盈豐駿駒」會拚贏為止。
第五場、第三班、一六五○米。「醒目駿駒」在澳洲由李善訓練，當地六戰三冠一亞，三勝都是一三五○米，分別處女馬賽及兩場指標評分七十分讓賽，贏親都是標望特及溫爾窄場，加上睇在港同父馬，應以谷草窄場最合搵食，評七十三分肯定夠跑。「醒目駿駒」同母哥哥「巨蚌」曾五勝千八及以上，並經常在馬會轉播賽上陣乃悉尼長途好手，「醒目駿駒」熱身後隨時一網打盡。